पंढरी वार्ता :- लोकमान्य विद्यालय, पंढरपूर, येथे आंतरराष्ट्रीय योग दिन मोठ्या उत्साहाने साजरा
पंढरी वार्ता :- लोकमान्य विद्यालय, पंढरपूर, येथे आंतरराष्ट्रीय योग दिन मोठ्या उत्साहाने साजरा
लोकमान्य विद्यालया मध्ये आंतरराष्ट्रीय योग दिन मोठ्या उत्साहाने साजरा केला. सर्व विद्यार्थ्यांनी या शिबिरात उस्फुर्त सहभाग घेतला. शिक्षण समिती सभापती विवेक परदेशी यांनी सांगितले की तरुण वयात योग-प्राणायाम ची आवड लागल्यास ती आयुष्यभर टिकते,माणूस निरोगी राहतो, विद्यार्थ्यांना योग प्राणायाम ची आवड निर्माण व्हावी यासाठीच या शिबिराचे आयोजन केले असल्याचे विवेक परदेशी सांगितले. निश्चितपणाने दररोज योग साधना केल्यास मानवाचे मानसिक व शारिरीक आरोग्य चांगले राहते त्यामुळे नियमीतपणे सर्वांनी योग साधना करावी असे अवाहन नगरपरिषदेचे उपमुख्यधिकारी सुनील वाळुजकर साहेब यांनी केले.
विठ्ठल रुक्मिणी योग प्राणायाम बहुद्देशीय संस्थेचे अध्यक्ष सुनील वाळूजकर, सचिव प्रशांत अगावणे, खजिनदार चंदुलाल सुपेकर, संचालक जयंत हरिदास, संचालक विवेक परदेशी यांनी विद्यार्थ्यांना योग-प्राणायाम चे महत्व सांगून विद्यार्थ्यांना आदर्श प्रात्यक्षिके दाखवली व विद्यार्थ्यांकडून योग-प्राणायाम करून घेतले.
हा कार्यक्रम यशस्वी होण्यासाठी लोकमान्य विद्यालयातील सर्व शिक्षक व कर्मचारी यांनी परिश्रम घेतले.
